Home Aktuale Greqi, Parlamenti i ri bën betimin

Greqi, Parlamenti i ri bën betimin

Të mbledhur rreth Kryepeshkopit Jeronimos dhe klerit ortodoks, 300 deputetët e rinj të Greqisë, që fituan mandatet në zgjedhjet e parakohshme të 25 Qershorit, bënë betimin mesditën e kësaj të hëne.

Në dallim nga vendet e tjera anëtare të Bashkimit Europian, betimin e bënë duke ngritur jo pëllëmbën e djathtë, por me tri gishtërinj të mbledhur siç ndodh kur besimtarët e krishterë bëjnë kryqin.

Veçmas bënë betimin këta 4 deputetë të besimit islam, 2 nga SYRIZA e 2 nga PASOK-ut, të cilët u betuan me dorën në Kuran.

Seancën e parë e drejtoi deputeti më i moshuar Nikita Kaklamanis i Demokracisë së Re. Të martën, zgjidhet kryetari i ri. Do të ketë edhe nënkryetarë po aq sa çka edhe grupe parlamentare.

Partia e Mitsotakis ka sërish një shumicë të konsoliduar prej 158 deputetësh, 7 më shumë se numri i nevojshëm për fomimin e qeverisë së re.

Tv Klan

Previous articleAhmeti i kërkon Prokurorisë t’i hetojë gjithë funksionarët e BDI-së
Next articleXhaka ia jep lamtumirën Arsenalit, gati për sfidën e re