Home Aktuale Ndryshimet kushtetuese, “trojka e Vajmarit” zbarkon në Shkup

Ndryshimet kushtetuese, “trojka e Vajmarit” zbarkon në Shkup

Pas tre shefave të diplomacisë së Austrisë, Republikës Çeke dhe Sllovakisë, të cilët javën e kaluar ishin në Shkup për të lobuar për ndryshime kushtetuese, në Shkup do të zbarkojnë edhe ministrat për Evropë të Gjermanisë, Francës dhe Polonisë, informon Indeks.mk

Ministrja për Evropën e Republikës Federale të Gjermanisë Anna Leermann, Sekretare e Shtetit përgjegjëse për Evropën në Këshillin e Ministrave të Republikës së Francës Laurence Boon dhe Szymon Shinkoëski vel Senk, Ministër i BE-së i Republikës së Polonisë, i njohur si “Trojka e Vajmarit”, do të vizitojë Shkupin, të cilin do ta presë zëvendëskryeministri për çështje evropiane, Bojan Mariçiq.

Siç bën të ditur SEP, Mariçiq do të zhvillojë një takim pune me “trojkën e Vajmarit”, ku temë e bisedës do të jenë negociatat me BE-në, me fokus përmbushjen e detyrimeve dhe detyrave që dalin nga korniza e negociatave dhe përshpejtimi të procesit të integrimit evropian.

Në kuadër të vizitës “Trojka e Vajmarit” do të takohet edhe me kryeministrin Dimitar Kovaçevski, me presidentin Stevo Pendarovski dhe me kryetarin e Kuvendit Talat Xhaferi dhe me koordinatorët e grupeve parlamentare.(Indeks.mk)

Previous articleArdhja e mërgimtarëve, vendkalimet kufitare vazhdojnë të jenë të lira
Next articleMexhiti të hënën nis me regjistrimin e Lëvizjes politike